CAGAYAN DE ORO CITY-Gipasalig ni City Police Director Sr Supt Nelson Aganon nga nakahan-ay na ang hugot nga seguridad nga ipatuman alayon sa dagkong selebrasyon sa kapaskuhan ug pagsugat sa bag-ong tuig ning syudad.
Gihimo ni Aganon ang garantiya alayon sa gitakdang pagsugod sa misa de gallo sa mga kasimbahanang Katoliko sa syudad sugod petsa 16 hangtod 24 ning tuiga.
Gibutyag ni Aganon nga unta dili usab magpasagad ang publiko sa paghatag seguridad sa ilang mga kaugalingon maingon man sa mga kabtangan niini nga mabilin sa mga pinuy-anan samtang misanong sa relihiyosong kalihukan.
