Gimando sa liderato sa Philippine National Police nga subling buksan ang imbestigasyon sa kasong pagpatay kang retired police general ug Philippine Charity Sweepstakes Office board secretary Wesley Barayuga.
Gihimo ni PNP chief Gen. Rommel Francisco Marbil ang pamahayag human gibulgar ni Police Lt. Col. Santie Fuentes Mendoza atubangan sa Quadrupole Committee ang iyang partisipasyon sa pagpatay kang Barayuga.
Emosyonal si Mendoza sa pagsaysay sa hitabo gikan sa adlaw sa pagpatay lang Barayuga hangtud sa adLaw nga gitunulan siya’g salapi isip suhol sa gihimong krimen.
Kini nga salapi gikan daw kang retired Colonel Royina Garma, kinsa milingkod isip PCSO General Manager niadtong tungura.
Gawas kang Garma, gitumbok usab ni Mendoza nga nagmusikad kang National Police Commissioner Edilberto Leonardo ang blood money nga P300,000 aron ipapatay si Barayuga.
Base sa sworn affidavit ni Mendoza, 40,000 ang gisuhol kaniya ni Leonardo aron ihilom ang krimen.
Gani,hangtud karon wala pa’y matumbok nga matood nga hinungdan ang CIDG sa pagkamatay kanhi opisyal sa PCSO.(Bombo Anne Quileste).
