Walay nadawat nga hulga sa terorismo ang Philippine National Police sa ipahigayon nga piliay sa tibook Pilipinas, ning adlawa.
Sa New Forum nga gipasi-ugda sa Public Information Office sa PNP – Camp Crame, namahayag si PNP Director for Police Community Relations Maj. Gen. Roderick Augustus Alba nga siento-porsiento na ang deployment sa ilang tropa, ilabe sa mga lugar nga gitumbok sa Commission on Election nga may taas nga hulga sa kagubot.
Mipasabot si Alba nga andam na ang ilang kapin 163,000 ka personahe nga gidestino sa kapin 44,000 ka mga prisento aron bantayan ang pagbotar sa katawhan.
Gidugang pa sa opisyal nga anaa sa kapin sa 3,000 ka PNP personnel ang nagpabiling standby sulod ug gawas sa ilang station units, samtang ang uban gideploy isip special electoral board members, human nangayog tabang ang Commission on Elections (COMELEC).
Hisayran nga ning adlawa, kapin 68 milyon ang botante sa 2025 Midterm Elections.
