CAGAYAN DE ORO CITY – Gitahasan ni Commission on Elections 10 regional director Atty Renato Magbutay ang kapolisan ug militar nga mapadali na ang paghan-ay sa pinal nga listahan sa mga lugar nga angay hatagan sa igong pagtutok sa puwersa sa Northern Mindanao.
Kini may kalabutan sa nagkaduol nga paglusad sa May 12 elections ning tuiga.
Gibutyag ni Magbutay nga kinahanglanon kini nga lista kay dinhi mag-agad ang magamit nga mga otoridad pagsiguro nga dili makahatag kasamok sa proseso sa eleksyon.
Una ang namulong si Comelec Commissioner Aimee Ferolino,chairman sa gun ban ug security committee nga anaa sa 30 ka lugar sa rehiyon ang ubos sa areas of election concern apan gibase sa miagi pang mga eleksyon sa nasud.
