Dili itugot sa PNP nga mabalhin sa laing kustodiya si Pastor Apollo Quiboloy ug laing upat ka mga kauban nga nag-atubang sa mga dagkong kasong kriminal sa korte sa kauluhan.
Kini human mihangyo ang kampo ni Quiboloy ug giunyunan sa korte nga sa militar sila magpa-kustodiya kaysa PNP tungod sa isyu sa seguridad.
Apan miingon si PNP spokeperson Col Jean Fajardo nga may gihimo pa sila nga apelar niini aron masiguro nga dili mapasa-pasa ang paghawid kan Quiboloy kinsa founder sa Kingdom of Jesus Christ Church nga dagha’g kasong kriminal sa Pilipinas ug bisan didto sa Amerika.
Samtang dili mobalibad ang liderato sa AFP nga mohupot sa kustodiya sa pipila ka personalidad kon adunay igo nila nga pasilidad ug dili usab mabutang sa risgo ang seguridad sa nasud.
Kini ang tubag ni AFP spokesperson Col Francel Padilla kabahin sa court order nga sila ang mo-kustodiya kang Pastor Apollo Quiboloy samtang dunggon ang mga kaso niini sa nagkadaiyang korte sa nasud.SDe
Miingon si Padilla nga dakong supak ang Defense Dept sa nasud rason nga may petition usab sila ipasaka sa korte sa Pasay City aron magpabilin sa PNP custody ang grupo ni Quiboloy.
