Gisusi na sa Philippine National Police (PNP) ug Department of the Interior and Local Government (DILG) ang giingong paggamit ni Sen. Ronald dela Rosa sa sakyanan ni Senador Robin Padilla isip getaway vehicle human sa nahitabong pagpabuto og pusil sulod sa Senado niadtong Mayo 13.
Matod ni PNP Chief General Jose Melencio Nartatez Jr., nahitabo ang paggawas sa Senador pipila ka oras human sa insidente sa Senado.
Nasayran nga nahitabo kini mga alas 2:30 sa kadlawon niadtong Mayo 14.Base sa rekord sa imbestigasyon, diin nakita ngfa nagsakay ang duha ka opisyal sa usa ka puting Toyota Fortuner nga nakarehistro ubos sa ngalan ni Padilla.
Dugang pa niya mosumite ang kapulisan og video evidence ngadto sa Department of Justice nga nagpakita sa duha ka senador nga dungan nga mibiya sa Senate building.
