CAGAYAN DE ORO CITY – Gawasnon sa hingpit ang van driver nga unang detinado sa mini-cell sa kapolisan tungod sa kamatayon sa lima ka miembro sa pamilya sa Brgy Gimangmang,Initao,Misamis Oriental.
Kini human nagkuyon ang panig sa kabanay ug agalon sa drayber nga wala na’y mga kaso ipasaka sa piskalya bugti sa pag-atiman sa tanang galastuhan sa dugu-ong hitabo sa miaging semana.
Miingon si Police Corporal Ricky Alagon,hepe sa investigation section sa Initao Police Station nga napasabot nila ang mga paryente sa namatyan nga usa ka aksidente lamang ang hitabo rason nga gilayong nakahukom nga wala na’y isang-at nga kaso batok sa wing van driver nga taga- Cagayan de Oro City.
Dumduman nga nagkasungag ang gisakyang motorsiklo sa mga biktima ug van kay adunay pag-overtake niini samtang gikan mitambong sa family party sa Alubijid ning lalawigan ug pauli na unta sa Iligan City.
