CAGAYAN DE ORO CITY-Gimanduan ni PNP regional director C/Supt Timoteo Pacleb ang tanang kapolisan nga ipatuman ang 24/7 strong checkpoints palibot sa rehiyon.
Kini gumikan sa kasaligang impormasyon nga tuyo samukon ni Maute-ISIS commander Humam Abdul Romato
Najid alias Abu Dar ang Cagayan de Oro aron ma-divert ang atensyon sa militar nga migukod kanila sa Lanao del Sur.
Miingon si PNP regional spokesperson Lemuel Gonda nga wala kumpiyansa-i sa kapolisan ug militar ang maong impormasyon.
Kini ang hinungdan gimando ni Pacleb nga mangulo ang tanang police commission officers o PCOs sa mga checkpoint
pagsiguro nga dili masabotahe ang seguridad sa syudad.
Samtang walay nabag-o sa gi-isa nga security alert level sa Northern Mindanao batok hadla sa terorismo.
Miingon si Cagayan de Oro City Police Office o COCPO spokesperson Supt Mardi Hortillosa nga pabiling gipaubos sa
kapolisan sa alert level 3 ang syudad tungod sa nahitabo nga Marawi seige.
Gibutyag ni Hortillosa nga mas gipalig-on pa kuyog sa pwersa kasundaluan ang segurida sa syudad tungod
sa military offensive batok Maute-ISIS sa Lanao del Sur ning semanaha.
Una niini, gi-angkon ni Hortillosa nga nakadawat sila’g susamang impormasyon nga gihuptan sa PRO-10.
