CAGAYAN DE ORO CITY-Gusto karon mapadali sa kapolisan nga masulod sa city jail ang Indonesian national nga si Minhati Madrais alyas Baby sa Iligan City.
Kini human nakit-an ang pipila ka indikasyon nga nahimo nang radical ang mga anak ni Madrais kinsa kapikas sa napatay’ng si Omar Maute sa grupong Maute-ISIS sa Marawi City.
Gibutyag ni Iligan City Police Office Director Sr/Supt Leony Roy Ga nga mas gusto na nila mabalhin ang kustodiya sa mga bata sa City Social and Welfare Development aron mapugngan ang pagka-radical niini.
Si Minhati ang giila nga silent terror operator sa kalihukang ni Maute ug nasikop samtang nagtago sa safehouse sa Brgy Tubod,Iligan City sa miaging adlaw’ng Domingo.
