CAGAYAN DE ORO CITY-Gitahasan ni City Mayor Oscar Moreno si City Police Director Sr/Supt Nelson Aganon nga panguluhan ang task force Higalaay alayon sa kapistahan sa syudad sa Agosto 28 ning tuiga.
Kini pagsiguro nga dili mabalda ang tanang core ug parallel events sa pangilin ni Sr San Agustin ning syudad sunod semana.
Miingon si Moreno nga partikular nga gipatutukan niya sa kapolisan ang Higalaay parade,fluvial procession ug ang tinuig nga Bombo Bancarera sa Jesper Beach sa Brgy Bonbon sa syudad sa Agosto 28.
Gilayong ipatawag ni Aganon ang maglangkob sa Higalaay Task Force aron mahan-ay ang seguridad nga ipatuman sa dakbayan.
Miingon si Supt Mardi Hortillosa,tigpamaba sa Cagayan de Oro City Police Office nga anaa na sila sa 95 porsiento nga andam aron mahatagan sa pagbantay ang mga aktibidad sa syudad.
Dugang ni Hortillosa nga kapin sa libo ka pulis ug sundalo ang mobantay sa mga kalihukan aron luwas ang katawhan nga makigduyog sa kapistahan sa syudad sunod semana.
Gihangyo sa COCPO nga dili hataga’g kumpiyansa sa katawhan ang ilang seguridad samtang anaa sa pampublikong lugar sa dakbayan.
Kini bisan nga negatibo sa actual nga bahad sa terorismo ang syudad bisan sa hitabo sa Marawi City.
Miingon si Supt Mardi Hortillosa,tigpamaba sa Cagayan de Oro City Police Office nga bisan anaa sa level 3 ang security alertness sa dakbayan.
