CAGAYAN DE ORO CITY-Gikompirmar ni PNP chaplaincy service officer Supt Ebra Moxsir ang pakigkita ni Chief Dir Gen Oscar Albayalde sa regional directors nga nakabase sa Mindanao.
Miingon si Moxsir kinsa kanhi commander sa Marawi City Police Station nga tuyo ni Albayalde nga mahatagan sa direktang security status report gikan sa mga rehiyon sa Zamboanga Peninsula,Northern Mindanao,Eastern Mindanao,Caraga ug Autonomous Region in Muslim Mindanao.
Ituki usab sa maong katiguman ang nagkaduol nga Brgy ug SK elections diin ang ARMM ang dunay kabarangayan nga ubos sa catergory 3 isip election watchlist areas.
Himoon ang command conference sa Camp Alagar diin regional headquarters sa PNP- 10 sa adlaw’ng Sabado sa buntag.
