CAGAYAN DE ORO CITY-Gilusad sa militar ug kapolisan ang pursuit operation batok sa rebeldeng New People’s Army o NPA nga responsable sa kamatayon usa ka opisyal sa sundalo ug pagkaangol sa laing kauban niini sa Brgy Rogongon,Iligan City.
Gibutyag ni PNP regional spokesperson Supt Lemuel Gonda nga naghimo’g security patrol ang tropa ni Army Technical Sargeant Andal dihang gi-ambush sa mga rebelde nga gipanguluhan sa usa ka Kumander Kiram.
Gilayong mibalos ang militar diin nasamdan ang laing usa ka Pamplona apan naka-abot pa sa ilang kampo ug nagreport ang nahitabo.
Wala pa mohatag sa komento ang 1st ID,Philippine Army kabahin sa gidangatan sa ilang tropa sa maong lugar.
Samtang napugngan sa militar ang plano pag-atake sa anaa sa 10 ka sakop sa teroristang New People’s Army o NPA sa planta sa Minergy sa Balingasag,Misamis Oriental kagahapon sa buntag.
Kini human gika-enkuwentro sa tropa ni 2Lt Eric Buyan ang mga rebelde samtang nagbaktas sa Brgy Banglay,Lagonglong ning lalawigan.
Namahayag si Gonda nga gilayong misibat ang mga rebelde dihang nalupig sa nagpungasi nga mga bala gikan sa militar.
Gilayong mihimo sa blocking force ang RPSB-10 sa Brgy Dampil,Lagonglong aron masapon ang mga misibat nga mga rebelde.
Hinoon,walay nakalas sa duha ka panig atol sa 20 minutos nga pagsinukliay sa mga bala sa maong lugar.
