CAGAYAN DE ORO CITY-Gibulgar ni City Police Director Sr/Supt Nelson Aganon ang giingong presensiya sa gitawag nga ‘white area operation’ nga naglihok ning syudad.
Kini human giingong nalambigit sa pagpangilkil ang maong grupo aron dunay suporta sa kalihukan sa rebeldeng New People’s Army o NPA nga anaa sa kabukiran.
Miingon si Aganon nga sagad sa propaganda sa grupo nga anaa sa white area operation ang pagsakay sa isyu sa mga mamumuo diin kanunay sentro sa batikos ang gobierno.
Gihugtan sa kapolisan ug militar ang monitoring sa maong mga kalihukan aron sikupon kon makakita’g ensaktong higayon.
