CAGAYAN DE ORO CITY-Walay nakitang foul play ang kapolisan sa paghikog-patay sa 55 anyos nga amahan nga nagpuyo sa Zone-2 Brgy Canitoan ning syudad sa miaging gabii.
Gibutyag SPO3 Camaluding Macmac,chief investigator sa Bulua Police Station 7 nga narekober nila ang suicide notes ang lawak diin naghikog ang biktima nga nailang si Eddie Gaamil, minyo ug dunay mga anak.
Subay sa inisyal nga imbestigasyon, selos nga nagresulta sa depresyon ang hinungdan sa pagpakamatay sa biktima.
Hisayrang makapila nang nagsulay paghikog ang biktima apan kanunay usab kining nasumpo sa iyang mga anak.
