CAGAYAN DE ORO CITY-Gidugangan ni PNP regional director C/Supt Timoteo Pacleb ang ilang puwersa nga gikatag sa lungsod Talakag,Bukidnon ug Wao,Lanao del Sur.
Kini human biktima sa duha ka pag-atake sa rebeldeng New People’s Army ang kapolisan diin gikamatay sa upat ka bulan nga batang babaye ug police officer sa Brgy Tigkalaan sa maong lungsod sa miaging semana.
Gibutyag ni Sr/Insp Jessie James Lasdose,hepe sa Talakag Police Station nga tinguha niini nga masumpo ang pag-atake sa mga rebelde nga makapangdamay sa mga sibilyan.
Una nang gi-ambush sa mga rebelde ang patrol sa Amai Manabilang Police Station ug gipabutha’g landmine ang tropa ni Lasdose ug SOCO-Bukidnon dihang sila nag-imbestigar sa hitabo.
