CAGAYAN DE ORO CITY-Nagmando karon si PNP regional director C/Supt Timoteo Pacleb sa ilang intelligence unit sa Camp Alagar nga sutaon kon kinsa ang mga tag-iya sa nagkuyanap nga mga outlet sa illegal nga Small Town Lottery o STL ning syudad.
Kini human mabantayi sa PCSO-Northern Mindanao nga adunay mga ka-kompetensiya ang mga lehitimong STL outlets nga naghupot sa prangkisa gikan kanila.
Miingon si PNP regional spokesperson Supt Lemuel Gonda nga kamulo na ang ilang intelligence unit aron matumbok kon kinsa ang illegal gambling operators nga naglihok ning syudad.
Gani,sunod-sunod nga nadakpan sa PNP-Cagayan de Oro ang pipila ka sakop sa mga illegal suwertres operators dihang gilusad ang mga operasyon sa syudad sa miaging semana.
