CAGAYAN DE ORO CITY-Gipadumduman ni Regional Peace and Order Council o RPOC chairman City Mayor Oscar Moreno sa kapolisan sa pag-imposar sa balaod sa war on drugs sa rehiyon.
Kini human mibati’g kalabaka usab si Moreno sa ihap sa drug pushers nga napatay sa anti-illegal drugs operations diin miabot na sa 110 sa rehiyon.
Miingon si Moreno nga dili mahitabo nga tugutan niini nga mohimo’g extra judicial killings o summary killing ang kapolisan sa pagpatuman sa balaod kontra illegal nga droga.
Una nang giaghat sa mayor ang mga tawo nga dunay nasayran nga nag-abusar ang mga pulis sa ilang pakig-gubat kontra droga nga modangop kaniya aron imbestigaran ang posible nga reklamo.
