CAGAYAN DE ORO CITY- Gisugdan ni PNP chief Dir Gen Ronald de la Rosa ang pagsusi sa gipanag-iya nga kabtangan sa tanang kapolisan dinhi sa nasud.
Kini agi’g pagtuman sa mando ni Pres Rodrigo Duterte nga ipaubos sa paglimpyo ang PNP batok sa mga pulis nga nalambigit sa illegal nga kalihukan.
Nagsumikad ang maong lakang tungod sa pagdagit-patay sa negosyanteng Koreano nga si Jee Ick Joo sulod sa mismo sa Camp Crame niadtong Oktubre 2016.
Miingon si City Police Director Sr Supt Ronnie Francis Cariaga nga maoy gisusi sa taga-PNP Highway Patrol Group ang mga dokumento sa ilang mga gipanag-iya nga sakyanan sulod sa Maharlika Headquarters sa syudad kagahapong adlawa.
