CAGAYAN DE ORO CITY-Ipatawag sa komitiba sa police,fire and public safety sa konseho si City Police Director Sr Supt Nelson Aganon ning syudad.
Kini human nakadawat si City Councilor Romeo Calizo,chairman sa komitiba sa pipila ka reklamo bahin sa implementasyon sa pagkasikop sa offenders batok sa ordinansa nga gidili ang pag-inom sa publikong lugar sa kagabhion.
Miingon si Calizo nga angay matuki ang mga probisyon sa city ordinance no.5133-95 kay daghan ang kalibog nga anaa niini.
Nasayran nga dul-ag 90 ka tawo na ang nasikop sa kasupakan sa ordinansa diin 30 kanila ang nakasuhan na sa piskalya sa syudad.
Samtang gi-welcome sa ni City Police Director Sr Supt Nelson Aganon nga sila ipa-isplikar sa konseho sa gilusad nga anti-tambay operation sa syudad.
Miingon si Supt Mardi Hortillosa,tigpamaba sa Cagayan de Oro City Police Office nga kini usab ang panahon nga mapasabot nila ang tahas nga gisangon kanila ni Pres Rodrigo Duterte.
Namugos si Hortillosa nga gisunod lamang nila ang mando ni Duterte gamit ang ordinansa batok ilegal nga pag-inom ug anti-curfew hour nga dugay nang gipatuman sa syudad.
Sa miaging semana,may pipila ka dinakpan nga nakuyapan kay nakurat sa pagpangdakop sa kapolisan sa dakbayan.
