CAGAYAN DE ORO CITY-Naglaraw ang Cagayan de Oro City Police Office nga mangayo’g tabang sa ubang ahensiya sa nasud aron mapadali ang pagsikop kang Freeman Traders Club o FTC founder Mark Freeman.
Kini human gilugwa ang warrant of arrest batok kiniya tungod sa giatubang nga kasong large scale swindling.
Gibutyag ni COCPO spokesperson Police Lt Col Mardi Hortillosa nga wala usab nila giwala ang posibilidad nga nakagawas na sa Pilipinas si Freeman apan andam sila moduol sa international police aron pagsikop kang Freeman.
Samtang gibaharan ni Hortillosa ang mga tawong nagtabang pagtago ni Freeman nga posibleng mapasakahan sila sa kaso.
Miingon si Hortillosa nga hayan nga madalahig sa kaso ang individual nga magtabang kang Freeman bisan paman wala silay kalambigitan sa negosyo niini nga naigo sa kontrobersiya.
Nanagawan ang maong opisyal sa mga tawo nga nakahibalo sa nahimutangan sa FTC founder nga mo report kanila aron mapaatubang na si Freeman sa hukmanan.
