CAGAYAN DE ORO CITY- Gibaharan sa PNP-10 nga sikupon nila kadtong bisan kinsa nga mapamatud-an nga naghatag suporta sa kalihukan sa rebeldeng New People’s Army o NPA.
Kini human gimando ni Pres Rodrigo Duterte nga ipasikop ang tanang legal front organizations nga natumbok nga alyado sa mga NPA.
Miingon si Supt Lemuel Gonda,tigpamaba sa PNP-10 nga angayang mosukol usab sa kapolisan ug dili basta-bastang ipailog ang mga armas kon sulungon sa mga rebelde.
Samtang giaghat ni IFI Bishop Felixberto Calang ang naglangkob sa National Democratic Front of the Philippines o NDFP nga tun-an pag-ayo ang baruganan ni Pres Rodrigo Duterte.
Kini human unang gikanselar ni Duterte ang peacetalks ngadto sa CPP-NPA-NDF sa nasud.
Gihimo ni Calang ang pahayag tungod kay mismo sila sa simbahan ang naningkamot nga kumbinsihon si Pres Duterte nga ikonsiderar ang hukom niini aron maabli’g balik ang hinabiang pangkalinaw sa duha ka panig.
