CAGAYAN DE ORO CITY-Generally peaceful ang adlaw sa mga santos sa Misamis Oriental.
Gikompirmar kini pinaagi ni Sr/Insp Corrine Mae Estigoy, tigpamaba sa Misamis Oriental PNP diin mipatuman sa oplan
ghostbuster inabagan sa PDRRD ning lalawigan.
Si Estigoy miingon nga walay bisan usa ka dakong hitabo ang natala sa ilang buhatan subay sa report sa ilang mga police supervisor gikan sa nagkadaiyang munisipalidad ning lalawigan.
Mas gipahugtan pa usab nila ang seguridad sa terminal ug pantalan batok sa mga walhong pundok nga posibleng mosabwag kagubot sa adlaw sa kalag.
Samtang bisan sa isla sa Camiguin,hapsay ug malinawon ang adlaw sa mga santos kagahapong adlawa.
Subay kini sa monitoring sa grupo ni Sr/Insp Atty Win Bajenio,tigpamaba sa Camiguin Provincial Office.
Gibutyag ni Bajenio nga nagpasalamaton sila sa kahitas-an tungod kay walay mga hitabo nga nakatugaw sa kalihukan.
Hisayran nga igo ra magdagkot sa kantila sa dakong krus ug mihalad sa pag-ampo ang mga kabanay diin ang ilang
minatay atua sa ilawon sa dagat.
