CAGAYAN DE ORO CITY-Tunulan sa medalya ug cash reward ang tanang on duty police sa Binuangan Municipal
Police Station human nila mapildi ang NPA rebels sa kapin duha ka oras nga cross fire batok kanila.
Miingon si PNP regional director C/Supt Tim Pacleb nga dako ang iyang pagpasalamat sa mga sakop sa gi-atake nga istasyon sa kapolisan tungod kay wala nila gihatagan sa mga rebelde ang ilang gipangayo nga mga armas.
Atol sa init nga binayluay sa mga bala lakip sa mga samaron sila PO1 Ramonito Zambas, PO3 Alberto Bernadas, PO1
Joshua Satur ug mismo si Sr/Insp Dennis Hallazgo kinsa hepe sa Binuangan PNP.
Samtang gipahalipayan sa 4th ID,Philippine Army ang grupo ni Hallazgo nga gisuklan ang pag-atake sa bana-banang 300 ka NPA rebels nga nanghasi sa Binuangan,Misamis Oriental.
Miingon si 4th ID spokesperson Capt Joe Patrick Martinez nga nagpakita lamang kini kon unsa kalig-on ang kapolisan hinungdan napakyas ang mga rebelde.
Gibatikos usab ni Martinez ang mga rebelde kay giingong gidaot nila ang kabtangan sa mga sibilyan sa maong lungsod.
Una nang gibutyag ni Hallazgo kinsa kabahin sa mga samaron nga nakit-an nila ang paghidangat sa mga rebelde hinungdan nga gipangandaman nila ang pag-atake niini.
Una nang namugos si Martinez nga diversionary tactics lamang sa New Peoples Army ang atake sa Binuangan,Misamis Oriental kagahapon sa kadlawon.
Gibutyag ni Martinez nga iyang gibutyag nga wala sukad biya-e sa tropa sa militar ang Caraga region nga dunay nang gihasi sa mga rebelde.
Nagtoo si Martinez nga daghang mga rebelde ang pabiling na trap sa maong lugar kay napalibutan na sa daghang police ug military checkpoint sa Agusan Province provinces.
