CAGAYAN DE ORO CITY-Gitutukan sa kapolisan ang anggulo sa pagdumot ug bangi sa negosyo kon nganong gipusil-patay ang mag-amahan sa Zone 12,Brgy Sta Ana,Tagoloan ning lalawigan.
Kini human kumbinsido ang kapolisan nga walay criminal records si Ricardo,56 ug Erwin Daban, 26 anyos pulos minyo samtang pulos nanimuyo sa maong lungsod.
Namahayag si SPO4 Ritchie Raiz,imbestigador sa Tagoloan Police Station nga wala pa sila’y matumbok nga hinungdan sa pagpusil sa duha ka suspek sa mga biktima.
Nakaangkon ang mga biktima sa daghang igo sa kalibre 45 nga armas samtang gipusil mismo sa pag-abot niini sa ilang mga pinuy-anan.
