CAGAYAN DE ORO CITY -Pagpanimalos ang nakit-an sa kapolisan nga nag-unang motibo kon nganong gipang-pusil ang duha ka pulis ug nadamay ang laing sibilyan sa Purok 4,Maigo,Lanao del Norte.
Kini subay sa inisyal nga imbestigasyon kabahin sa gidangatan sa mga biktima nga sila Police Corporals Pabilto Daing,Cpl Jeanette Limot ug nadamay nga sibilyan nga si alyas Ryan.
Miingon si Lanao del Norte Police Provincial Office Director Col. Sandy Vales nga unang nakadakop sa suspected carnappers ang Maigo Police Station apan wala damha nga nangasuko ang mga kabanay niini rason nga dunay giingong pagpanimalos.
Kamulo nga panihapon ang duha ka pulis dihang kalit namusil ang mga suspek nga armado sa kalibre 45 ug 9mm pistol apan hinoon pulos na luwas ang mga samarong mga biktima.
