CAGAYAN DE ORO CITY-Gi-konsiderar nga sulbad na ang kasong pagpatay sa kanhi customs fixer nga giingong nakig-pinusilay sa customs broker sa Bakasuhan,Brgy Macasandig sa syudad sa miaging semana.
Kini human ipasaka na ang kasong murder batok sa suspek nga si Jo-ed Pasasadaba ug personal driver nga si Seigfred Roxas sa piskalya ugmang adlawa.
Gibutyag ni Sr/Insp Abdul Alim Sumandar,hepe sa Macasandig Police Station nga napaubos na nila sa paraffin tests ang mga suspek ingon man ang biktima kabahin sa hitabo.
Gani,gitudlo sa mga testigo nga sila si Pasasadaba ug Roxas ang responsable sa kamatayon ni Roy Ancajas kinsa nagpatoo nga customs police officer ning syudad.
