CAGAYAN DE ORO CITY-Bangi sa politika nga nagresulta sa ‘rido’ ang hinungdan sa pagpusil sa kanhi police officer sa usa ka brgy kapitan sa Iligan City sa miaging gabii.
Kini human naigo sa dughan,tiyan ug braso si Dipatuan Brgy Kapitan Alzuhry Lucman Dipatuan,35 anyos nga residente sa Bacolod Kalawi,Lanao del Sur.
Gibutyag ni Iligan City Police Office Director Sr/Supt Leony Roy Ga nga hinoon luwas na ang biktima samtang gidala sa ospital dinhi sa syudad.
Gipasaka na usab ang kasong frustrated murder batok kanhi SPO1 Mansawi Sarip;Junaida Baby Balindong;Abdullah Amanodin;Sainola Dumarpa; Mano Amanodin;Tamim Amanodin ug dugang mga kauban.
