CAGAYAN DE ORO CITY-Lab-ason sa kapolisan sa tibuok nasud ang pagkatukod opisyal sa PNP ugmang adlawa.
Kini human ilang dumdumon ang ika-26 anyos nga pagkatukod sa PNP gikan sa pagka-Philippine Constabulary o PC.
Miingon si PNP regional spokesperson Supt Lemuel Gonda nga may pipila ka aktibidad sila nga giandam alang sa maong kalihukan ilabina diha sa Camp Alagar Headquarters ugmang adlawa.
Si Gonda miingon nga may ilusad nga wreath laying,parada ingon man santos nga misa alayon sa maong kalihukan.
Si City Mayor Oscar Moreno kinsa chairman usab sa Regional Peace and Order Council ang dinapit nga mamulong sa 26th PNP founding anniversary.
