CAGAYAN DE ORO CITY – Gipatuman sa Police Regional Office 10 ang pag-sectorize ug layering sa pagsanong sa mando ni PNP chief Gen Nicolas Torre III nga 3 to 5 minutes response time sa tawag sa emerhensiya gikan sa publiko.
Kini human nabantayan ni PRO 10 regional director Brig Gen Rolindo Suguilon nga gilayong magtapok ang puwersa sa kapolisan ug dako ang tsansa nga maglisod na’g responde kung dunay laing panginahanglan sa police assistance sa pikas brgy.
Miingon si Police Major Joann Navarro,tigpamaba sa PRO 10 nga kini ang hinungdan nga adunay pag-improbar sa mga pagresponde aron masiguro nga matubag ang mga lehitimong tawag sa katawhan.
Gibutyag ni Navarro nga ubos usab sa liderato ni Suguilon, istrikto ang pagpatuman sa internal cleansing sulod sa PRO 10 batok sa pipila ka police scawalags nga naghatag mantsa sa PNP.
