CAGAYAN DE ORO CITY – Sukwahi sa unang pahayag sa Kampo Alagar, pabiling tibuok ug wala magka-low morale ang kapolisan nga ubos sa Police Regional Office 10 nga nakabase sa Northern Mindanao.
Kini bisan kon ngilngig ang mga expose nga nanglugwa sa imbestigasyon sa kamarabaha ug senado kabahin sa war on drugs policy ni kanhi Pres Rodrigo Duterte.
Miingon si PRO 10 Director Brig Gen Jaysen De Guzman nga dunay pipila sa iyang lower units commanders nga napatawag sa kamarabaha apan igo lang gipaduso’g mga dokumento ug wala ipaubos sa imbestigasyon.
Siya miingon nga kanunay’ng bukas ang PNP sa bisan unsa nga imbestigasyon kay kabahin na kini sa ilang trabaho.
Hisayrang tipik sa nabulgar ang giingong quota-reward system nga gihimo sa mga pulis sa matag-lusad kaniadto sa war on drugs operations batok sa suspected shabu pushers.
