Gusto pa imbestigaran ni Senate Pres Chiz Escudero ang intelligence community sa Philippine National Police o PNP.
Kini human nabulgar nga gitugtan nila ang usa ka suspected scammer nga si Mary Ann Maslog nga makabisita kang kanhi Bamban Mayor Alice Guo sulod sa PNP custodial center.
Miingon si Escudero nga kuwestiyonabli ang motibo ni Maslog ilabina nga wala siya’y legal personality sa kaso ni Guo.
Una niini,nabulgar nga dunay pagtugot sa usa ka police general ang pagsulod ni Maslog sa selda ni Guo kinsa nag-atubang sa daghang kaso gumikan sa illegal POGO operations.
