CAGAYAN DE ORO CITY-Ilusad sa PNP-10 ang ilang bag-ong Anti Ilegal Drugs Campaign Plan ubos sa “Oplan Double Barrel” ang nag-uluhang “Lakad Tokhang: Lipulin at Kalampagin ang Druga” o LAKAD ning syudad karong adlawa.
Gipasabot ni PNP regional spokesperson Supt Lemuel Gonda nga katuyuan niini nga batukan pinaagi sa awareness campaign ang padayong pagpanghaylo sa drug syndicates sa publiko.
Miingon si Gonda nga dungan ipasabot sa PNP,PDEA,simbahan ug local govt units ang dala nga peligro sa gidiling droga sa kinabuhi sa tawo.
Tuyo usab niini nga mangayo’g tabang ang PNP nga kanunay biktima sa propaganda sa mga sindikato batok sa extra judicial killings diin nakahatag kontrobersya sa anti-drugs operations ni Pres Rodrigo Duterte.
Una niini,gibutyag ni C/Insp Mardi Hortillosa,tigpamaba sa City Police Office nga andam na usab sila sa kalihukan diin naghangyo sa katawhan nga suportahan unya sa hapon ning syudad.
