CAGAYAN DE ORO CITY – Gilusad pa sa kapolisan ang imbestigasyon ug paggukod batok sa mga responsable nga ngilngig mipatay sa magtiayon nga molopyo sa Barangay Libertad,Gingoog City,Misamis Oriental.
Giila ni Police Regional Office 10 spokesperson Major Joann Navarro ang mga biktima nga sila Antonio Bonita,55 anyos ug Marina Bonita nga gikan sa maong lugar.
Gibutyag ni Navarro nga mihimo pa sa dugang pakisusi ang mga imbestigador sanglit dagha’g nakasumpaki ang mga biktima tungod sa gipanag-iya nila nga yuta.
Kini sa tuyo nga masayran kon unsa’y nag-unang motibo sa kremin diin dagha’g tinigbasan sa ilang mga lawas ang biktima rason sa kamatayon niini.
Dumduman nga gikakurat sa mga kabanay ug mga silingan nga naligo na kaugalingong dugo ang mga biktima dihang kini naadtuan nila sa ilang lugar.
