CAGAYAN DE ORO CITY – Angayang butanga’g ngipon ni Pres Bongbong Marcos ang iyang gisulti kabahin sa pagbunkag sa mga operasyon sa POGO nga tipi sa tinubdan sa dinagkong kremin sa nasud.
Kini ang hagit ni kanhi IBP-Misamis Oriental chapter president Atty. Eddie Cuaresma dungan sa iyang pag-uyon sa baruganan ni Marcos sa isyu sa West Philippine Sea ug POGO.
Apan gradong 5 lang ang mahatag ni Cuaresma kay bagsak si Marcos pag-abot sa pagsulbad sa suliran sa agrikultura sa nasud.
Samtang dismayado ang hugpong sa mga negosyante sa syudad ug lalawigan kay daw napadaplin sa prioridad ang sektor sa patigayon sa SONA ni Pres Bongbong Marcos.
Miingon si MSME Misamis Oriental -Cagayan de Oro Devt Council chairman Raymundo Talimio Jr nga nagdahom sila nga dunay progama nga giandam ang administrasyon alang sa mga gagmay’ng negosyante apan kutob lang sa wish list ang gipabati ni Marcos.
Siya miingon nga gikan sa gradong 6,gius-usan niya kini sa 5 nunot sa pagkapakyas sa presidente mahatagta’g gimbug-aton ang dakong papel sa mga negosyante sa nasud.
