CAGAYAN DE ORO CITY – Wala na’y naabtan nga Chinese nationals nga nagdumala ug mga dumudula sa dala nga kalingawan nga Philippine Offshore Gaming Operations o POGO nga nakabase sa usa ka pribadong subdibisyon sa Brgy Cugman ning syudad.
Kini human kompirmaha ni Cugman Police Station commander Capt Macario Linog Jr nga naglihok ang maong pasilidad sa dugay’ng panahon sa wala pa mibuto ang kontrobersya sa illegal POGO activities sa kauluhan.
Miingon si Linog nga sa ilang pagsulod sa maong POGO facility,pipila ka trabahante na lang ang naabtan nila nga mihimo sa renobasyon niini ug daghan na sa mga gamit ang gipangbiyaan.
Nasuta nga tuig Hulyo 2023 pa gi-abandonar sa operator ang maong pasilidad.
Hisayrang makapila ka higayon nga gihimakak sa kapolisan sa Cagayan de Oro City Police Office ug bisan sa Police Regional Office 10 nga dunay POGO hub nga naglihok dinhi sa dakbayan.
