CAGAYAN DE ORO CITY – Ipasaka ang kasong murder batok sa suspek nga mipatay sa prostituted woman sulod sa usa ka pension house sa Brgy. Barra, Opol,Misamis Oriental sa adlaw’ng Lunes.
Kini human dad-on na sa Opol Police Station ang John Micheal Alfeche sa piskalya aron ipaubos sa inquest proceedings batok sa iyang kaso nga atubangon.
Gibutyag ni Opol Police Station commander Police Maj Evary Bacunawa nga daghang kaso ang suspek ubos sa ilang area of responsibility sukad 2017.
Kini gilangkuban sa mga kawat ug cattle rustling apan kining tanan na-settle na.
Kumbinsido ang mga imbestigador nga si Alfeche ang ilang nakita sa CCTV camera nga misulod-gawas sa lawak kundiin napalgan ang lawas sa namatay’ng biktima.
