CAGAYAN DE ORO CITY – Gibuhian sa kapolisan ang ‘person of interest’ sa paglugos ug pagpatay sa usa ka dalaga nga igsoon sa pulis sa Poblacion Valencia City, Bukidnon.
Gibutyag ni Valencia City Police Office commander Lt Col Surki Sereñas nga ila pang gihulatan ang resulta sa fingerprints testing ug seminal fluids nga nakuha sa crime scene kon mag-match kang Angelito Barwado, 30-anyos kinsa nanguyab sa biktima nga si Arlene Memeje, 26-anyos ug residente sa Brgy Tongan-tongan sa maong lugar.
Kahinumduman nga gisudlan sa wala maliang suspek ang biktima samtang natulog sa iyang giabangan nga kwarto ug gilugos.
Misukol ang biktima hinungdan nga nakaangkon kini sa daghang samad dinunggaban ilabina sa iyang li-og sa miaging semana.
