CAGAYAN DE ORO CITY-Ipasaka sa kapolisan ang kasong multiple murder ug frustrated murder batok sa person of interest nga utok sa kamatayon sa duha construction workers sa Upper Puerto ning syudad.
Miingon si Puerto Police Station commander C/Insp Evan Vinias nga natumbok na nila ang misugo sa mga suspek aron pagtigbason-patay sila si Arnold Buray ug Eliseo Balatero Jr.
Nasuta nga si Buray ang dunay daan nga atraso kabahin sa kabtangan nga posibleng hinungdan nga gipapatay kini.
Nasayran nga samaran usab sa hitabo ang kauban sa mga biktima nga si Rodel Lebria nga nadala sa ospital ning syudad niadtong adlaw sa Lunes.
