Human sa iyang state visit sa Ukraine, linawas nga gibisita ni US Secretary of State Anthony Blinken ni Polish Foreign Minister Radoslaw Sikorski.
Ang gobyerno sa Poland maoy iyang katapusang state visits alang sa ilang 3-Nation European Team nga nagtumong sa pagtabang sa gobyerno sa Ukraine nga makalinggawas sa gubat nga gi-inisyar ni Russian President Vladimir Putin, niadtong Pebrero 2022.
Samtang didto sa Kiev, gi-anunsyo ni Blinken ang pagdugang sa $700 milyon nga tabang militar sa Ukraine.
Miingon si Sikorski nga giila nila ang dakung papel sa Estados Unidos nga tighupay sa mga gubat ug angayan lamang nga hatagan sa igong suporta.
Sa News Conference nga gilusad sa Warsaw, subli gipalanog ni Sikorski nga hatagan na sa go-signal ang Ukraine nga mugamit sa Western weapons ilabina nga gamiton lamang kini sa pagdepensa para sa mga sibilyan nga gi-atake sa Rusya.
Hisayran nga usa ang nasud sa Poland nga nagduso nga ipasulod isip miyembro sa North Atlantic Treaty Organization o NATO ang Ukraine.(Bombo Anne Quileste).
