CAGAYAN DE ORO CITY-Nasikop sa kapolisan ang nagpaila nga police asset nga giingong nagpayuhot sa gidiling droga diha sa Brgy Carmen sa syudad.
Giila ni Lumbia Police Station commander Sr/Insp Dennis Ebsolo ang suspek nga si Leolito Gaspar nga taga-Brgy Consolacion kinsa kanhi piniriso sa kasong pagpangawat sa syudad.
Namahayag si Ebsolo nga nakuhaa’g upat ka sachets sa shabu ang suspek atol sa pagrikisa kaniya kagabii.
Una niini,namugos si Gaspar nga kaabag usab siya sa Macabalan Police Station ilabina sa kampanya batok ilegal nga droga sa maong lugar.
