CAGAYAN DE ORO CITY – (update) Patay na ang police escort ni Masiu Mayor Nasser Pangandaman Jr., human sila gi-ambush kauban ang duha pa ka sibilyan escorts nga sila Jamal Pangandaman ug Casnoding Mangandog sa Buadiposo, Buntong Lanao del Sur, kagahapon.
Namahayag si Police Colonel Madzghani Mukaraam, provincial director sa Lanao del Sur Provincial Police Station nga nabugtuan sa kinabuhi si Pol Staff Sgt Jammar Pangandaman sulod sa Amay Pakpak Medical Center, human maigo sa daghang bala ang iyang lawas.
Samaron sab duha ka civilian escorts ug padayong nagpa-alim sa balaytambalanan.
Duha ka anggulo ang gitutukan sa SITG – Pangandaman, kini gilangkoban sa bangi sa duha ka pamilya kon rido ug mga kabangi sa pulitika ni Mayor Pangandaman Jr.
