CAGAYAN DE ORO CITY, Philippines – Patay ang usa ka police officer nga miresponde sa pagpamusil ug hostage-taking sulod sa Intensive Care Unit sa UPMC Memorial Hospital sa York County, Pennsylvania, kagahapon.
Namahayag si Susan Manko, spokesperson sa hospital nga walay bisan usa ka pasyente ang samaran apan adunay lima ka sibilyan, duha ka pulis ug usa ka nurse ang samarana.
Subay sa inisyal nga imbestigasyon, giila ni District Attorney Tim Barker ang suspek nga si Diogenes Archangel Ortiz, 49, anyos. Namatay ang suspek human nakigpinusilay sa mga miresponde nga kapulisan.
Napatay usab sa insidente si Police Office Andrew Duarte, gikan sa Denver Police Department.
Naila si Duarte isip awardee sa maong dapit human niya nasakmit ang Mothers Against Drunk Driving (MADD) Hero Award, ug napatuman ang hugot nga balaod batok sa mga tawong gabiyahe nga hubog.
Kamulo pa ang mga otoridad sa pagsuta sa motibo sa pagpamusil.
