CAGAYAN DE ORO CITY – Kasuhan sa PDEA-BARMM sa paglapas sa Comprehensive Dangerous Drugs Act of 2002 ang 3 ka pulis nga nadakpan sa pagpamaligyag illegal nga droga sa Brgy Nituan, Parang Maguindanao.
Giila ang mga suspek nga silang Patrolman Sandiali Mangundacan Manalao, Staff Sgt. Fahmi Bangon Como ug Master Sgt. Monjel Nassal Aradais kinsa deputy chief of police sa Marantao Police Station sa Lanao del Sur.
Gibutyag ni PDEA BARMM regional director Juvenal Azurin nga sakay sa Toyota Inova ang mga pulis dihang nakig-transaksyon sa usa ka nakasibilyang pulis.
Nakompiskar sa mga suspek ang anaa sa 50 gramos sa gitoohang shabu diin mibalor P340,000, i.d, mga armas ug uniporme sa pulis.
