CAGAYAN DE ORO CITY – Walay makapugong kang Philippine National Police Chief Director General Archie Gamboa sa iyang paglangkat sa mga regional police directors nga masapong ubos ang kalihukan batok sa pagsanta sa illegal gambling.
Namahayag si PNP spokesman Brigadier General Bernard Banac nga lakip langkaton sa PNP Chief ang mga city ug municipal chief of police oras nga mahuptan ni Gamboa ang listahan sa mga “low performing police regional offices”, sunod semana.
Base sa imbestigasyon sa PNP intelligence Network, pabiling nag-una ang ilegal swertres, card games, dula sa “damang” ug “sabong” sa mga ilegal nga pasugalan sa mga probinsya.
Gitin-aw ni Banac nga dinagko nga salapi ang itaya sa mga sugarol sa maong mga padula.
