CAGAYAN DE ORO CITY-Inihap na lamang ang mga adlaw sa pipila ka pulis nga hilig mohimo’g ilegal nga kalihukan dinhi sa syudad.
Kini human gipanganti ni City Police Director Sr Supt Robert Roy Bahian nga mismo siya ang mosapon sa pipila ka police scalawags aron manubag ug masilotan subay sa mga ilegal nga kalihuka niini.
Gibutyag ni Cagayan de Oro City Police Office spokesperson C/Insp Mardy Hortillosa nga andam si Bahian mosagol sa mga sibilyan masapon lamang ang pagbinuang sa ilang mga kaubang pulis.
Una nang nanganti si Bahian nga wad-on niya ang presensiya sa droga sa syudad.
Si Bahian ang bag-ong pungko nga hepe sa Cagayan de Oro City Police Office isip hulip kang Sr Supt Ronnie Francis Cariaga nga nadestino didto sa Luzon area.
