CAGAYAN DE ORO CITY – Gipabutha’g eksplosibo sa gitoohang rebeldeng New People’s Army o NPA ang police station sa lungsod sa Quezon,Bukidnon kagabii.
Gibutyag ni Quezon Police Station commander Maj Mitchel Clemencio nga hinoon walay on duty police personnel niini ang samaron sa pagbuto sa wala pa matumbok nga klase sa eksplosibo apan nadamyos ang sakyanan sa iyang deputy commander.
Miingon si Clemencio nga una nang may nasiplatan sila nga armadong mga tawo nga anaa sa ilang area of responsibility.
Gawas sa sakyanan,naguba usab ang atop sa ilang estasyon gumikan sa kakusog sa impact sa hitabo.
Mihatag na’g dugang puwersa ang militar aron mahugtan ang seguridad sa maong lugar ilabina nga wala pa nila matino kon kinsa ang utok sa kremin ug ang motibo niini.
