CAGAYAN DE ORO CITY – Nasikop sa entrapment operation sa Regional Intelligence Division o RID ug PNP Counter Intelligence Task Force o CITF ang aktibong pulis officer nga gitumbok nga nangilkil sa salapi gikan sa mga aplikante pagka-pulis sulod sa foodchain diha sa Velez Street ning syudad.
Giila ni Police Master Sgt Jeffrey Mondejar sa Divisoria Police Station ang suspek nga si Patrolwoman Sherly Lou Licayan,minyo,taga-Hilltop District 1,Macanhan ug nadestino sa Carmen Police Station ning syudad.
Miingon si Mondejar nga gisikop si Licayan tungod sa reklamo nga pagpangilkil human midangop ang tulo sa iyang mga biktima sa Camp Alagar ning syudad.
Nakuha gikan kang Licayan ang salapi nga 3-mil pesos dihang nasikop sa joint RID-CITF operation sulod sa Jollibee-Velez Branch ning syudad kagahapon sa hapon.
