CAGAYAN DE ORO CITY-Gihagit sa simbahan ang mga kristiyano nga kuhaa’g panag-ignan ang pagka-masinugtanon ni Berhin Maria ug Jose sa kabubut-on sa Ginoo.
Kini bisan nga naglisod sila pagsabot sa kagustuhan sa Ginoo nga maggikan kanila mahimugso ang batang Hesus.
Kini ang nahimong sentro sa mensahe ni Fr Francis Papkawski gikan sa Sacred Heart of Jesus Formation House nga maoy nangulo sa kasaulugan sa ikatulo nga misa de gallo diha sa San Agustin Cathedral kaganihang kadlawon.
Miingon si Papkawski nga sama ni Maria ug Jose angay usab unta nga mosanong ang katawhan sa wala pagkuwestiyon sa plano ug kagustuhan sa Ginoo alang kanato.
Samtang gitin-aw ni Monsignor Perseus Cabunoc kinsa rector sa San Agustin Cathedral ning syudad nga dunay duha ka option nga puwedeng mapilian sa mga Kristiyano nga makalimot sa pagsalmot sa misa sa nobena para sa umalabot nga adlaw nga pagkabanhaw sa Labaw nga makagagahom.
Si Cabunoc nga miingon nga pwede na karong makasimba sa simbang gabi ug misa de gallo o misa say sa kadlawon ang mga kristiano.
Labaw niini, gi-awhag ni Cabunoc ang mga kristiyano nga dili ikaulaw ang mga simbolismo sa pagtoo sa simbahang katolika sama sa pagpanguros atubangan sa publiko ug ang pagduko sa matag higayon nga muagi sa mga balaan nga replica sulod sa tanang kasimbahanan sa Pilipinas.
