Gihulagway ni Dr. Christopher Ryan Maboloc, associate professor sa Ateneo de Davao University, nga usa ka “sinister plot” batok sa pipila ka miyembro sa Senate majority ang paglihok sa mga kaso sa mga senador sama ni Senador Rodante Marcoleta, nga timing kaayo sa padayong impeachment proceedings batok kang Bise Presidente Sara Duterte sa impeachment court.
Butyag sa propesor nga medyo huyang o fragile ang kasamtangang kahimtang sa liderato sa Senado, ilabi na ang sitwasyon karon ni Senate President Alan Peter Cayetano.
Dugang pa niya, kadudahan ang paglihok sa kaso sa pipila ka mga senador tungod sa timing ug posible nga motibo sa luyo niini.
Busa, para ni Maboloc, dili malikayan nga tan-awon kini sa uban isip koordinado nga lakang batok sa kasamtangang mayorya sa Senado.
