Nadismaya ni Atty Rhobert Maestre, sa 90 minutos nga video exposey gikan sa Peanut Gallery Media Network (PGMN) kay wala may bug-at ug bag-ong pasabog ang ilang napagawas sa giingong mastermind sa flood control corruption scandal sa Department of Public Works and Highways (DPWH).
Miingon ang abogado nga nabasa, nadungog ug nakita na niya sa telebisyon, radyo ug sa social media ang mga gipresentar nga mga argumento ug ebidensya nga nagtumbok nga si kanhi House Speaker Martin Romualdez ang utok sa pagbahin-bahin sa pondo sa ahensya pinaagi sa maleta ug gipadala sa mga nalambigit nga mga magbabalaod.
Hinoon, gidayeg ni Maestre ang paghan-ay sa impormasyon alang sa “educational purpose” kay plastado ang pagpasabot ni PGMN Anchor Atty CJ Hirro sa “inflow” o dagan sa salapin sa kamarabaha.
